“SUNBULANING ILK SHANBASI” QISSASIDA RAMZIY TASVIR

Abstract

Ushbu maqolada yozuvchi Abduqayum Yo‘ldoshevning ijodiga e’tibor qaratilgan. Muallifning uslubiy izlanishlari, badiiy asar yaratishda obraz, tasvir xilma-xilligi, uslubiy izlanishlari, ijodiy eksperimentlari, ramziy-majoziy ifoda,  simvollarni qo‘llash mahorati, ijodkorning individual uslubi, badiiy konsepsiyasi, voqelikni bayon etish shakllari, personajlarning o‘zini o‘zi ruhiy yangilashga e’tibor qaratishi kabi jihatlar “Sunbulaning ilk shanbasi” qissasi tahlili asosida yoritildi. Maqolada yurtimiz va xorij olimlarining adabiy-nazariy qarashlariga suyanildi. Asardan olingan parchalar (matnlar) asosida obrazlar ruhiy holati, majoziy voqea-hodisalar, ramziylik mavjud tushunchalarga sharh berildi. Asarda aks etgan yetakchi g‘oyalarga ilmiy-falsafiy jihatdan izohlar keltirildi. Muallifning voqea tasvirida tanlagan badiiy xronotop (vaqt va makon) masalasiga, qissada aks etgan peyzaj tasviri undagi simvollik ifodalarga misollar keltirilgan holda tahlil etildi. Matndagi  obrazlar, roviyning nutq shakllariga mulohazalar bildirildi. Asar voqealari davomida muallif mahorat ila foydalangan she’r, maktub, tuproq, maqol, o‘xshatish kabi – badiiy detallarga ilmiy mulohazalar bayon qilindi. Tahlil davomida muallifning badiiy topilmalari va qissaning bugungi o‘zbek nasrida tutgan o‘rniga asosli mulohazalar adabiyotshunos olimlarning nazariyalariga qiyoslangan holda  bayon etildi.