6 % Mo/ЮКЦ ТАРКИБЛИ КАТАЛИЗАТОР УНУМДОРЛИГИГА Zn ПРОМОТОРИ МИҚДОРИНИНГ ТАЪСИРИ

Abstract

Ишда 6 % Mo/ЮКЦ таркибли катализатор унумдорлигига Zn промотори миқдорининг таъсири ўрганилган. Цеолит кристалл панжарасидаги алюминий ёки кремнийнинг модификаторларга изоморф алмашинишини таъминлашда гидротермал синтез муҳим аҳамиятга эга. Гидротермал синтезда изоморф алмашиниши ҳисобига катализаторнинг кислотали ва текстур характеристикалари яхшиланади. Ушбу мақолада (MoO3)x∙(ZnO)y∙(ZrO2)z катализаторида пропанни каталитик ароматлаш реакциясининг кинетик қонуниятларини ва 6 % Mo/ЮКЦ таркибли катализатор унумдорлигига Zn промотори миқдорининг таъсирини ўрганиш натижалари келтирилган. Носитель сифатида Ўзбекистон Республикаси Пахтачи туманидаги каолиндан олинган юқори кремнийли цеолит ишлатилди. Носителга рух ва цирконий гидротермаль синтез босқичида киритилди. Структура ҳосил қилувчи сифатида гексаметилен диамин ва лимон кислота ишлатилди. Цирконий ва рух оксидлари манбаи сифатида цирконил нитрат ZrO(NO3)2 ва Zn(NO3)2 тузларининг сувли эритмалари ишлатилди. (MoO3)∙(ZnO)y∙(ZrO2)z катализаторининг синтези 200- 2300C да пўлатдан ясалган автоклавда амалга оширилди. Реактор кварц трубкадан иборат бўлиб, диаметри 30мм, узунлиги 220 мм, унга 5 мл катализатор жойланган. Газ таркиби газохроматографик усулда Кристалл 5000 газ хроматографида аниқланди. C3-C4 углеводородлари ва ҳавони ажратиш учун вазелин мойи билан ишлов берилган алюминий оксиди билан тўлдирилган ички диаметри 3 мм бўлган 3 м узунликдаги калоннада амалга оширилди. Таҳлил дастурлаштирилган ҳароратда амалга оширилди. Водородни аниқлаш 13Х цеолит билан тўлдирилган ички диаметри 3 мм бўлган 1 м колонкада амалга оширилди. Таҳлил 35 °С доимий ҳароратда ўтказилди. Таҳлил қилиш вақти 5 минут, ташувчи газ, аргоннинг оқим тезлиги 10 мл / мин. Водород таркибини ҳисоблаш учун водород таркибининг калибрлаш графиги қурилган. Ароматик углеводородлар ГОСТ Р 56343—2015 бўйича аниқланди.