ILGʻOR TEXNOLOGIYALAR MOHIYATI VA IQTISODIYOTDAGI AHAMIYATI

Abstract

Ilgʻor texnologiyalar (yoki ilgʻor raqamli texnologiyalar) — bu shunday texnologiyalar turi-ki, ular aynan bir sohadagi faoliyat yoki xizmat turiga bogʻliq boʻlmasdan, deyarli barcha sohalar, jumladan, sanoat, qurilish, ta’lim, tibbiyot, energetika, qishloq xoʻjaligi kabilarda birdek keng qoʻllaniladi. Ular asosan yangi turdagi mahsulot va xizmatlar yaratish uchun emas, balki mavjudlari rivojlanishiga sezilarli ta’sir koʻrsatuvchi, bozorlardagi vaziyatni oʻzgartiruvchi yoki yangi bozorlar shakllanishiga koʻmaklashuvchi yoʻnalish hisoblanadi. Umumiy olganda, ilgʻor raqamli texnologiyalar texnologik rivojlanish va internetdan foydalanishni qoʻllash orqali yaratilgan yangi tizimdir. Bu tizimda axborotlar, har bir harakat va koʻrsatmalar ma’lumotlar bazasida saqlanib, avtomatik ravishda toʻplanib boradi va yaratilgan baza asosida ishlab chiqarish jarayoni avtomatlashtiriladi.