XX ASRNING SO‘NGGI CHORAGIDA INGLIZ VA AFROAMERIKALIK YOZUVCHILAR IJODIDA MAGIK REALIZMNING O‘ZIGA XOSLIGINI NAMOYON BO‘LISHI (TONI MORRISON)

Abstract

Dunyo  adabiyotshunosligida chet el adabiyot tarixi, poetikasi va zamonaviy adabiy jarayon bilan bog‘liq ilmiy masalalarning hal etilishi, shuningdek, bu borada alohida badiiy metod asosida yaratilgan magik realizm uslubidagi asarlarning  o‘ziga xosligini o‘rganish  borasidagi izlanishlar salmoqli o‘rinni egallaydi.  Biroq, bu masalaning aynan qiyosiy adabiyotshunoslik va ingliz adabiyoti, xususan, bu oqimning yorqin namoyondasi Toni Morrison ijodi misolida deyarlik o‘rganilmaganligi hamda masalaga oid ba’zi ilmiy-nazariy izlanishlarning xulosalari umumlashtirilmaganligi mazkur masalaning dolzarbligini belgilaydi. Shu sababli hozirda zamonaviy  o‘zbek adabiyotshunosligida, uning uzviy ajralmas qismi bo‘lgan xorijiyy adabiyotshunoslik jahonda va xususan O‘zbekistonda keng e’tirof etilgan Toni Morrisonning magik realizm metodiga mansub matnlarining o‘ziga xosligini, uning an’analarini davom ettirilishini magik realizm adabiyoti tarixi sifatida nazariy va tarixiy jihatlardan qiyosiy planda  tadqiq etish har tomonlama chuqur o‘rganishni talab qiladigan muhim ilmiy masalalardan hisoblanadi.