BOSHLANG‘ICH SINF O‘QUVCHILARIDA MATEMATIKANI O‘QITISHDA IZCHILLIKNI TA’MINLASH

Abstract

        O‘zbekistonda taʼlim islohotlarini amalga oshirish bo‘yicha butunlay yangicha g‘oyalar, yondashuvlar, tamoyillar va yo‘nalishlarga asoslangan bosqichga qadam qo‘yildi. Shu sababli O‘zbekiston Respublikasi Prezidenti Sh.Mirziyoyev tomonidan   2018-yil 5-sentabrda “Xalq ta’limini boshqarish tizimini  takomillashtirish  bo‘yicha qo‘shimcha  chora-tadbirlar to‘g‘risida”gi farmon imzolandi. Unga ko‘ra “-umumiy o‘rta va maktabdan tashqari ta’limni sifat jihatidan yangi darajaga ko‘tarish, har tomonlama kamol topgan avlodni tarbiyalash, o‘quvchilarning ma’naviy-axloqiy va intellektual rivojlanishini ta’minlash; -xalq ta’limi tizimiga ilg‘or xorijiy tajribani, o‘quv-tarbiya jarayoniga zamonaviy pedagogik texnologiyalarni, shu jumladan ta’lim berishning innovatsion usullarini joriy etish, o‘quv va o‘quv-uslubiy adabiyotlarning yangi avlodini yaratish, fundamental va amaliy ilmiy tadqiqotlarni amalga oshirish”  vazifasi  qo‘yildi. Boshlang‘ich sinflarda matematikani o‘qitishda izchillik muhim ahamiyat kasb etadi va matematika fanini kichik maktab yoshidagi bola ongiga singdirishda mazkur aspektga e’tibor qaratilmasa, ko‘zlangan maqsadga erishib bo‘lmaydi. Yuqorida keltirilgan farmon va qarorlar boshlang‘ich ta’lim   matematika  kursi mazmunini  ilg‘or xorijiy tajribaga asoslanib qator yangi mavzular bilan  boyitish,  natijada o‘quv adabiyotlar mazmunini ham shunga moslashtirish vazifalarini qo‘ydi. Matematika fani rivoji davrida sharq va g`arb mutafakkirlari qarashlari hozirgi mazkur fanning fundamenti hisoblanadi.