O’ZBEKISTON RESPUBLIKASIDA NIKOHDAN AJRATISHNING HUQUQIY ASOSLARINI FUQAROLIK-HUQUQIY TARTIBGA SOLISH

Abstract

Oila qurishni asosi nikoh hisoblanadi. Nikoh oilani mustahkamlashning asosi bo’lib, avvalambor, bolalar tarbiyasi uchun muhim ahamiyatga ega bo’lgan tarbiya o’chog’idir. Shuning uchun ham qonuniy tuzilgan nikohdan davlat manfaatdor bo’lib, undan ajralish jamiyat manfaatlariga salbiy ta’sir ko’rsatadi. Shu boisdan ham nikoh-oila masalasi er-xotinning shaxsiy ishi doirasidan chetga chiqadi. Bugun oilaning benazir nufuzi, ulkan ijtimoiy ahamiyatga molik voqelik ekanligi hech kimda shubha tug’dirmaydi. Oila jamiyatning asosiy hujayrasi va ijtimoiy tayanchidir. Har bir oilaning baxtiyorligi va farovonligi shartidir. Oila nafaqat inson naslini davom ettirish omili sifatida, balki jamiyat a’zolarini, ayniqsa, o’sib kelayotgan yosh avlodni milliy istiqlol g’oyasi asosida tarbiyalash maskani sifatida katta ahamiyatga molikdir. Mazkur maqolada nikohdan ajratishning huquqiy asoslarini fuqarolik-huquqiy tartibga solish va ularni takomillashtirish masalalari haqida so’z yuritiladi. Bu ishda kuzatish metodidan foydalanildi. Ushbu maqolada ilgari surilgan takliflarni qonun ijodkorligi jarayonida, FHDYo va sud organlari faoliyatida qo’llash mumkin.