DYUPYUITREN KONTRAKTURASINI DAVOLASHNING ZAMONAVIY USULLARI

Abstract

Dyupuytren kontrakturasi dunyo mamlakatlari aholisi orasida keng tarqalgan patologik holat bo‘lib (3-5%), asosan mehnatga layoqatli erkaklarda kuzatiladi. Dyupuytrenning palmar fassial fibromatozi rivojlanib borishi 67 % hollarda bemor qo‘llari nozik va yuqori aniqlikdagi harakatlarining doimiy va sezilarli darajada cheklanishiga, 3% hollarda esa nogironlikka olib keladi. Qo‘l jarrohligi sohasida erishilgan zamonaviy yutuqlarga qaramay Dyupyuitren kontrakturasi bo‘lgan bemorlarni davolash muammosi hali ham dolzarb bo‘lib qolmoqda. Ko‘p sonli tadqiqotchilar bu muammoning dolzarbligini kasallikni har xil bosqichlari va barmoqlar kontrakturasi har xil darajalari davolash jarayonida alohida yondashuv talab etishi bilan tushuntiradilar. Ushbu maqolada Dyupyuitren kontrakturasi bo‘yicha umumiy savollarga javob beriladi, turli klassifikatsiyalar va zamonaviy davolash usullari keltirib o‘tiladi.